Festivalsuksess med digital annonsering

Før sommaren hadde vi gleda av å samarbeide med Norsk Countrytreff om annonsering i digitale kanalar. Det har gitt svært gode resultat.

For nokre år sidan laga vi nettside for Norsk Countrytreff i Breim. I etterkant har vi vore fast partnar på grafisk utforming av plakatar, brosjyrer og anna materiell.

Etter to år med avlyst festival grunna koronapandemien, var dei klare for å satse skikkeleg i 2022. Dei ville leggje hovudvekta av markedsføringa til digitale kanalar, og vi er glade for at dei valde Gasta som partnar i prosjektet.

Markedsføring tilpassa målgruppene

Med festivaldeltakarar i ulike aldersgrupper og frå ulike delar av landet, var det viktig å velje riktige kanalar og format på annonsane.

Vi har mellom anna laga bannerannonsar i Google sitt Display-nettverk, annonsar i lokalavisene hjå Amedia og videoannonsar på Facebook, Instagram og Snapchat.

Slik har vi sikra variasjon i annonseringa og målretta annonsane mot dei riktige menneska.

Publikumsrekord tross færre markedskroner og dårleg vêr

Då sjølve festivalen braka laus i Breim, var det rekordmange som trossa vêret og stilte seg i kø for å kome inn. Med rett under 18.000 selde billettar, blei det eit rekordår for Countrytreffet.

Og dét på tross av at dei i år hadde nytta færre markedskroner totalt enn kva dei har gjort tidlegare år. Fantastisk!

Dette har vore eit særs moro prosjekt å få vere ein del av. Takk for tillita og eit godt samarbeid!