Flåmsbana
Nettside og fargepalett for Flåmsbana AS, ein unik turistmagnet i Sogn, med over 990.000 reisande i året!
Flåmsbana har blitt omtala som ei av verdas vakraste togreiser, og er mellom landets mest populære attraksjonar.
Selskapet hadde behov for å opplyse sine kundar om kvar dei kan kjøpe billettar, basert på ønska reiseruta. Formålet er å gi praktisk informasjon i forbindelse med planlegging av besøk, og sikre at sal av billettar går gjennom riktig distributør (Norways Best, Vy , Entur eller Fjord Tours).
No har Flåmsbana fått ei nettside som harmonerer godt med eigen profil og som tek brukar med inn i ei virtuell skildring av strekninga. Dei ulike billettypane er strategisk plassert i topp og ein svarar ut fleire av dei mest stilte spørsmåla på ei eiga underside.
– Vi er veldig nøgde med samarbeidet med Gasta om dette prosjektet. Gasta har vore svært flinke til å forstå våre behov og jobbe effektivt mot målet. Effektive prosessar har spart mange timar både i prosjektet og internt hjå oss som kunde, og gjort vegen frå bestilling til lansering kort.
Slik skildrar leiar for distribusjon og billettsal i Flåmsbana, Sindre Haugen Orvedal, arbeidet med den nye nettsida.
