Kople skjema til Google Drive på nytt i Squarespace

Alle skjema i Squarespace som bruker Google Drive må koplast opp på nytt innan 23. september 2024. Viss ikkje kan du miste viktig data.

Mange nettsider bruker skjema for å samle inn data, f. eks kontaktskjema eller påmeldingar til nyheitsbrev. Desse skjema kan ein velgje å kople til Google Drive. Fordelen med det, er at informasjonen då blir lagra i eit rekneark (Google Sheet) slik at det er enkelt å hente opp seinare.

Grunna endringar hos Google i september 2024, må alle slike skjema som lagrar svar i Google Drive, koplast til på nytt. Dette må skje innan 23. september. Viss ikkje vil Google Drive slutte å motta innsendingar frå skjemaa.

Merk at alle dette gjeld for, skal ha fått epost frå Squarespace med informasjon i månadsskiftet august/september. Har du ikkje fått epost, gjeld det ikkje deg.

Slik gjer du det:

Føretrekk du video? Sjå forklaring frå Squarespace her (på engelsk):

Steg 1 - Kople frå Google Drive

Det første du må gjere er å kople frå Google Drive:

1. Logg på Google Drive-kontoen din.

2. Klikk på tannhjulikonet øvst til høgre og velg “Settings” i rullegardinmenyen.

3. Klikk på “Manage Apps”.

4. Rull ned til “Squarespace”, og klikk på “Options”.

5. Velg “Disconnect from Drive” i rullegardinmenyen. Dette fjerner Google Drive frå alle skjemaer som er knytta til denne Google-kontoen.

Dette treng du berre å gjere éin gong.

Steg 2 - Kople til skjema på nytt

Kontaktskjema og/eller skjema for påmelding til nyheitsbrev:

1. Logg inn i Squarespace, gå til “Pages”. Finn riktig side i oversikten og klikk “Edit”.

2. Dobbeltklikk på skjemaet som har kopling til Google Drive. Velg “Storage” > “Google Drive”. Klikk “Disconnect” og deretter “Disconnect” igjen for å bekrefte.

3. Klikk “Connect” ved sida av “Google Drive”. Følg stegene for å logge på og kople til Google Drive.

4. Skriv inn eit namn for det nye reknearket du vil lagre innsendingar i. Det er diverre ikkje mogleg å bruke eit eksisterande rekneark.

Gjenta desse stega for alle skjema på sida og på alle sider som har slike skjema.

Skjema i ein pop-up:

1. Logg på Squarespace, gå til “Marketing” > “Marketing Tools” > “Promotional Pop-up”

2. Velg “Action” i venstrepanelet, klikk fana “Storage” og velg “Connect other services” for å sjå Google Drive.

3. Velg “Google Drive”, klikk “Disconnect” og deretter “Disconnect” igjen for å bekrefte.

4. Klikk “Connect” ved sida av “Google Drive”. Følg stega for å logge på og kople til Google Drive.

5. Skriv inn eit namn for det nye reknearket du vil lagre innsendingar i. Det er diverre ikkje mogleg å bruke eit eksisterande rekneark.

Gjenta desse stega for alle skjema på sida og på alle sider som har slike skjema.

Steg 3 - Send inn ein test

Vi anbefaler å sende inn eit testskjema for å vere sikker på at alt fungerer som det skal.

Ofte stilte spørsmål

• Kven gjeld dette?

  Dette gjeld alle som har kopla eit skjema i Squarespace til eit rekneark i Google Drive.

• Gjeld dette andre lagringsalternativ enn Google Drive?

  Nei, endringane hos Google påvirker berre skjema som bruker Google Drive som lagringsalternativ.

• Mistar eg innsendingar som er lagra frå før?

  Nei, innsendingar du har lagra frå før blir ikkje sletta. Men det er viktig at du koplar skjemaet til Google Drive på nytt innan 23. september 2024 for å unngå at du går glipp av nye innsendingar. Dei blir ikkje lagra med mindre du oppdaterer koplinga.

• Blir nye innsendingar lagra i eit nytt rekneark?

  Ja. Når du koplar til igjen, skriv du inn eit nytt namn for eit nytt rekneark som blir automatisk oppretta i Google Drive. Det vil bli oppretta eit nytt rekneark sjølv om du skriv inn samme namn som det tidlegare dokumentet ditt hadde.